Kapital Bankın müştərilərə hörmətsizliyi

2 mart tarixində Birkart sifariş etdim. Online növbəni isə 22marta götürə bildim birtəhər. Mail və Sms yazıb, sıra nömrəmi göndərdilər. 22 martda yaxınlaşdım Kapital Bankın Şuşa filialına və gördüm ki, Bank bağlıdır və üzərində yazılıb ki, bu gün işləmirik. Əgər bağlı olacaqdısa, niyə mənə növbə vermisiniz? Bu sualı özlərinə də yönləndirəndə mənə dedilər ki, "müraciətiniz qeydə alındı, sizinlə 5 iş günü ərzində əlaqə saxlayacağıq." Mən buna etiraz edib, öz səhvlərini dərhal düzəltməklərini tələb edəndə isə, lağ edən kimi mənə link göndərdilər ki, gir yenidən online növbə götür. Mənim növbəm 22mart idi. Siz tərəfdən problem yaranıbsa, müştəriyə kömək olunmalı idi, 30 marta kimi hər saatı dolu olan növbəyə yönləndirmək yox. Bu hadisə baş verənə kimi elə bilirdim Kapital Bank normal bankdır, müştərilərə hörmət, fərdi yanaşma var. İndi isə gördüyüm odur ki, insanlara dəyər verməyən, ancaq öz mənfəətini güdəndir. Hələ də mənə nə zəng olunub, nə problemim həll olub. Halbuki öz səhvləridir və düzəltmək üçün barmaqlarını belə tərpətmək ehtiyacı görmürlər.

Faydalı (0)

0 şərh

Şərh yaz

761 baxış

Cavablar

Kapital Bank

24 Mar 21, 15:14

Salam Güllü xanım, hər vaxtınız xeyir. Yaranmış vəziyyətə görə təəssüf edirik. Nəzərinizə çatdırmaq istərdik ki, qeyri-iş günlərində fəaliyyət göstərəcək olan filialların siyahısı əvvəlcədən məlum olmadığı üçün siz həmin filiala növbə əldə edə bilmisiniz. Əgər kartınızı 2 mart tarixində sifariş etmisinizsə, 3 iş günü sonra kartınız artq filiala təhvil verilir və siz müraciət edərək kartınızı əldə edə bilərsiniz. Hazırda araşdırılma aparılır və tərəfimizdən sizə mümkün olan köməklik göstəriləcəkdir.