Mən, sizin mağazalar şəbəkənizin daimi

Mən, sizin mağazalar şəbəkənizin daimi müştərilərindən biri olaraq, son alış-verişim zamanı qarşılaşdığım xoşagəlməz hal barədə sizə müraciət edirəm. Şerifzade 12 Sirli dad şirniyyat evinin yanında yerləşən Oba Market mağazasında, xüsusilə kassada əyləşən xanım və özünü məsul şəxs (müdür) kimi təqdim edən əməkdaşın müştərilərə qarşı davranışı son dərəcə kobud, hörmətsiz və qeyri-peşəkar olmuşdur. Mənə qarşı olan münasibət çox narahatedici idi və müştəri olaraq özümü dəyərsiz hiss etməyimə səbəb oldu. Qeyd olunan əməkdaşlar:Müştərilərlə ünsiyyət zamanı kobud və sərt davranırlar,Verilən suallara laqeyd və məsuliyyətsiz yanaşırlar,Xidmət mədəniyyətindən uzaq, etik normalara zidd davranış sərgiləyirlər. Bu cür davranışlar şirkətinizin nüfuzuna zərər vurur və müştəri məmnuniyyətini ciddi şəkildə azaldır. Müştəri olaraq mənim hörmətli və keyfiyyətli xidmət almaq hüququm var.Yaşadığım bu hadisənin araşdırılmasını, adı çəkilən əməkdaşlar barəsində müvafiq tədbirlərin görülməsini və nəticə barədə mənə məlumat verilməsini xahiş edirəm. Əks halda, məsələni daha yüksək instansiyalara çatdıracağımı və rəsmi qaydada şikayət edəcəyimi bildirirəm. Əvvəlcədən diqqətinizə görə təşəkkür edirəm.

Faydalı (0)