Hörmətli m10 rəhbərliyi və rəhbər

Hörmətli m10 rəhbərliyi və rəhbər heyəti, Mən, Adıgözəlov Əli Vaqif oğlu (VÖEN: 1303469812), fərdi sahibkar olaraq Azərbaycan Respublikasının qanunvericiliyinə tam uyğun şəkildə rəsmi sahibkarlıq fəaliyyəti ilə məşğulam. Xidmətinizdən istifadə edərkən m10 hesabım bloklanmış və məndən fəaliyyətimi təsdiq edən sənədlər tələb olunmuşdur. Mən 25 may 2026-cı il tarixində tələb olunan bütün rəsmi sənədləri (VÖEN sertifikatı, Kapital Bank-dakı rəsmi biznes hesabımın çıxarışını və gələn/gödərilən məbləğlərin qəbzlərini) tam və dəqiq şəkildə dəstək xəttinizə təqdim etmişəm. Bununla yanaşı, fəaliyyətimə rəsmi olaraq çox yeni – 20 may 2026-cı il tarixində başladığımı, Kapital Bankdakı biznes hesabıma fəaliyyətə başlamaq üçün 3000 AZN məbləğində ilkin depozit (başlanğıc kapitalı) yerləşdirdiyimi və Azərbaycan Respublikasının Vergi Məcəlləsinə əsasən ilk rəsmi rüblük/illik hesabat dövrüm hələ tamamlanmadığı üçün mənfəət vergisi bəyannaməsinin iyul ayında təqdim olunacağını da rəsmi izahat olaraq bildirmişəm. Sahibkar olaraq dövlətin qoyduğu bütün norma və qaydalara tam əməl edirəm. Lakin müraciətimin üzərindən 3 həftəyə yaxın vaxt keçməsinə, ilkin olaraq müraciətin 7-10 iş günü ərzində cavablandırılacağı bildirilməsinə baxmayaraq, hesabım hələ də blokdadır. WhatsApp dəstək xəttiniz tərəfindən hər hansı bir dolğun məlumat verilmir, müraciətimə hər dəfə heç bir nəticəsi olmayan şablon cavablar ("Araşdırılma davam edir") qaytarılır. Mənim tam qanuni sənədlərlə fəaliyyət göstərən bir vergi ödəyicisi kimi əsassız olaraq bu qədər gözlədilməyim həm maddi, həm də mənəvi olaraq işimə ciddi ziyan vurur. Bir müştəri və rəsmi sahibkar olaraq m10 rəhbərliyindən xahiş edirəm: Məsələni şəxsi nəzarətinizə götürərək, təqdim etdiyim rəsmi sənədlər əsasında m10 hesabımın blokunun dərhal açılmasını təmin edəsiniz. Əgər hesabın açılmasına mane olan hər hansı bir əsaslı səbəb varsa, tərəfimə şablon sözlərlə deyil, rəsmi və əsaslandırılmış şəkildə yazılı cavab təqdim edəsiniz.

Faydalı (0)

0 şərh

Şərh yaz

204 baxış

Cavablar

m10

29 Iyn 26, 15:26

Salam💙 Hesabınızın bloklanması təhlükəsizlik və qanunvericilik tələblərinə uyğun olaraq həyata keçirilmişdir. Məsələnin araşdırılması və həll olunması üçün sizdən tələb olunan sənədləri təqdim etməyiniz xahiş olunur. Sənədlər təqdim edildikdən sonra müraciətiniz operativ şəkildə yoxlanılacaq.

m10 haqqında digər rəylər