Sizin mağazadan aldığım kondisioner 2

Sizin mağazadan aldığım kondisioner 2 aydır nasaz vəziyyətdədir və bu müddət ərzində dəfələrlə servis xidmətinizlə əlaqə saxlamışam. Təəssüf ki, hər dəfə müxtəlif bəhanələrlə məsələ uzadılıb və heç bir nəticə əldə olunmayıb. Daha da təəssüf doğuran hal odur ki, əməkdaşlarınız tərəfindən “ünvana baxış keçirilib, hər şey qaydasındadır” kimi tamamilə həqiqətə uyğun olmayan məlumat verilir. Halbuki bu müddət ərzində heç bir servis əməkdaşı ünvanıma gəlməyib və kondisionerə baxış keçirilməyib. Bu, müştərini aldatmaqdan və məsuliyyətdən yayınmaqdan başqa bir şey deyil. Məhsul satıldıqdan sonra göstərilən bu cür məsuliyyətsiz xidmət, yalan məlumat verilməsi və müştərinin 2 aydır yersiz şəkildə gözlədilməsi qəbuledilməzdir. Bu şikayətimin dərhal araşdırılmasını, servis əməkdaşının ünvanıma göndərilməsini və problemin qısa müddətdə həll olunmasını tələb edirəm. Əks halda, məsələ ilə bağlı İstehlak Bazarına Nəzarət Dövlət Xidməti və digər aidiyyəti qurumlara rəsmi şikayət edəcək, həmçinin baş verənlərlə bağlı ictimai şəkildə məlumat paylaşacağam. Ümid edirəm ki, bu dəfə məsuliyyətli yanaşaraq problemi həll edəcəksiniz.

Faydalı (0)