Salam, hörmətli xanım/bəy, Sizi Rizvan

Salam, hörmətli xanım/bəy, Sizi Rizvan Kamilov narahat edir. Mən 7 ildən artıq müddətdir ki, sizin onlayn ödəniş platformasının üzvüyəm. İlk növbədə, belə geniş çeşidli ödənişləri vahid onlayn platformada təqdim etməklə insanlara rahatlıq yaratdığınız üçün sizə təşəkkür edirəm. Həmçinin həyata keçirilən ödənişlər müqabilində üzvlərinizə təqdim etdiyiniz bonusları və həmin bonusların səmərəli istifadəsini nəzərdə tutan hərracları məmnuniyyət yaradan jest kimi qiymətləndirirəm. Bununla yanaşı, platformanızda bonus toplama sisteminin dayandırılması və yalnız mükafatlandırma olaraq koin sisteminə keçid, eləcə də bonuslardan istifadənin konkret müddətlə məhdudlaşdırılması (31.12.2023-cü il tarixinə kimi), sözün düzü, illərdir hesab.az platformasında kütləvi ödənişlər edən ətrafımda olan bir çox digər üzvlər kimi məni təssüfləndirdi. Müşahidələrimə əsasən deyə bilərəm ki, bu dəyişiklik qərarı həmin insanları demotivasiya etməklə bərabər toplanmış bonusların bəzi hallarda məcburi və səmərəsiz istifadəsinə səbəb olmaqla platformaya olan münasibətə mənfi təsir etmişdir. Düşünürəm ki loyal üzvlərinə jest olaraq onların hesablarında toplanmış bonusların ədalət prinsipinə riayət etməklə növbəti ödənişlərdə istifadə edilməsi məqsədilə koinlərə konvertasiya edilməsinə imkan yaradılması onlar üçün faydalı olmaqla bərabər hesab.az platformasına olan rəğbəti yenidən bərpa edə bilər. Qeyd edilən təklifin biznes etikasına və müştəri məmnuniyyətinə sadiqlik siyasətinə uyğun olaraq ən yaxşı şəkildə dəyərləndiriləcəyinə ümid edirəm. Öncədən təşəkkür edirəm!

Faydalı (0)

0 şərh

Şərh yaz

414 baxış

Cavablar

Hesab.az

23 Okt 23, 14:39

Salam,Hörmətli Rizvan Kamilov, Bildir.az platformasına qoşulmaqda əsas məqsədimiz istifadəçilərimizdən çətinliklərinin nədən ibarət olduğunu öyrənmək, bu barədə müəyyən fikir formalaşdırmaq və ayrı-ayrılıqda onların həllinə çalışmaqdır. Rəy bildirməyə vaxt ayırdığınız üçün Sizə təşəkkür edirik! Hesab.az-la bağlı mənfi təcrübəniz olduğuna görə təəssüf edirik. Rəyiniz bizim üçün çox önəmlidir və biz ondan xidmətlərimizi daha da inkişaf etdirmək üçün istifadə edəcəyik. Hesab.az istifadəçisi olduğunuz üçün təşəkkür edirik və sizin üçün ən yaxşısını etməyə çalışacağıq.

Rizvan Kamilov

23 Okt 23, 20:32

Salam, Hesab.az komandası, Standart olsa da, reaksiyanıza görə təşəkkür edirəm. Bununla yanaşı sizdən müştəriyönümlü siyasəti davam etdirərək öz istifadəçilərinizin ümidlərini doğruldacağınızı gözləyirəm. Hesab edirəm ki, bu jestiniz şirkətinizin onlayn ödənişlər bazarında nüfuzunun daha da yüksəlməsinə töhfə verməklə mövqeyini möhkəmləndirə bilər.