23 Iyl 2025, 11:45

Başdan-ayağa məsuliyyətsizlik

Başdan-ayağa məsuliyyətsizlik – bu necə xidmət anlayışıdır?! Artıq neçə dəfədir ki, bu karqo şirkətindən istifadə edirəm və hər dəfə eyni problem – statuslar yanlış, dəstək sıfır, münasibət isə hörmətsiz. Sonuncu dəfə tətbiqdən baxdım, göstərilirdi ki, bağlamam ofisə çatıb. Gəldim ofisə, əməkdaş deyir sistemdə yoxdur. Mənimlə eyni anda gələn və məndən sonra gələnlərin bağlamaları gəlib, amma mənimki “yoxa çıxıb”. Dedilər “gəl sonra”. Mən də qərara gəldim ki, gözləyim yerində. Gözlədiyim müddətdə bağlamaları sanki torba-zibil kimi yerə atırdılar, heç bir diqqət, məsuliyyət yoxdur. Bu azmış kimi, sosial şəbəkələrdə, xüsusilə Instagram-da yazanda cavabları kobud və laqeyiddir. Müştəriyə “cavab verirəm ki, əl çək” prinsipi ilə yanaşırlar. Suallarına normal cavab ala bilmirsən, dəstək komandası ya ümumiyyətlə yazmır, ya da qısa və lazımsız cavablar verir. Bu nə xidmət mədəniyyətidir? Hər dəfə “status yenilənib” deyirlər, amma əksər hallarda status ya gec, ya da səhv olur. Nəticədə müştəri ofisə boşuna gəlir, vaxt itirir, əsəbləri korlanır. Əgər sisteminiz bu qədər etibarsızdırsa, ya düzəldin, ya da müştəriləri aldatmayın. Mən bu şirkətdən tamamilə narazıyam. Belə məsuliyyətsiz yanaşma, kobud münasibət və qeyri-peşəkar dəstək yolverilməzdir. Heç kimə bu karqo şirkətini tövsiyə etmirəm!