Mövzu: Kristal Abşeron filialında yararlılıq

Mövzu: Kristal Abşeron filialında yararlılıq müddəti bitmiş məhsul satışı və filial rəhbərliyinin laqeyd münasibəti barədə Hörmətli Bravo Market İdarə Heyəti. Bildirmək istəyirəm ki, 12 oktyabr 2026-cı il tarixində Xırdalan şəhərində yerləşən Kristal Abşeron yaşayış kompleksinin girişindəki "Bravo Express" filialından "Tadım" əmtəə nişanlı, soğan aromatlı yerfındığı məhsulu əldə etmişəm. Lakin evdə məhsulun üzərini yoxlayarkən son istifadə tarixinin 02 oktyabr 2026-cı il tarixində bitdiyini (yəni 10 gün əvvəl) aşkar etdim. Məsələ ilə əlaqədar olaraq 13 oktyabr 2026-cı il tarixində filialın müdir müavini ilə görüşdüm və məhsulu geri qaytardım. Lakin filial rəhbərliyinin nümayəndəsi bu ciddi qanun pozuntusuna qarşı son dərəcə qeyri-peşəkar və laqeyd yanaşmışdır: İstehlakçıdan bir dəfə də olsun üzr istənilməmişdir. Xəbərdarlığıma və aşkar olunan fakta baxmayaraq, rəflərdə qalan həmin və digər vaxtı keçmiş məhsulların yığışdırılması üçün heç bir tədbir görülməmiş, məsələyə sanki adi hal kimi baxılmışdır. Müştərilərin sağlamlığını birbaşa təhlükə altında qoyan bu cür səhlənkarlıq və filial əməkdaşlarının müştəri məmnuniyyətinə hörmətsiz yanaşması qəbuledilməzdir.