29 Noy 2021, 00:10

Aztech mağazasından 2 illi rəsmi zəmanətlə..

25.09.2021 tarixində Aztech mağazasından 2 illi rəsmi zəmanətlə dəyəri 3100 manat olan ASUS ROG STRİX G15 komputeri almışam. İstifadə etməyə başladıqdan bir qədər sonra cihazda problemlə qarşılaşmağa başladım (Qrafik kart erroru verərək oyundan atma və sair). Əvvəl problemin proqramla əlaqəli ola biləcəyini düşünüb başqa proqramları yoxlamağa qərara aldım, ancaq, proqram davam etdiyi üçün sözügedən şirkətə müraciət etdim. Onlar da məni servislərinə yönləndirdilər. 10.11.2021 tarixində cihazı təhvil verərkən diaqnostikanın 3 gün çəkdiyini bildirdilər və təhvil verilmə ilə bağlı sənəd imzaladım və burda cihazın xarici qüsuru olmadığını təsdiq edən yazı yazıldı. 5 gün sonra bildirildi ki, cihazda heç bir texniki problem yoxdur və ola bilsin problem əməliyyat sistemi ilə bağlıdır. Əməliyyat sistemini dəyişib kompüteri təhvil verdilər. Yoxladıqda problemin davam etdiyini gördüm və təkrarən 17.11.2021 tarixində cihazı yenidən servisə qoydum. 19.11.2021 tarixində servisdən cavab gəldi ki, cihazın anakartı qüsurludur və zəmanətli haldır. Rəy barədə mağazaya məlumat verdikdə isə ilk öncə bildirdilər ki, onlar ancaq təmir edə bilərlər,lakin, bir qədər təkid etdikdən sonra əgər cihazda cızıq və başqa problem olmasa dəyişim və ya qaytarmağa razı oldular. 22.11.2021 tarixində cihazı servisdən götürərək birbaşa Aztech mağazasına getdim və burada cihaza baxış keçirərkən adi halda normal gözlə görülməsi çətin olacaq bir cızığın olduğunu əsas gətirib dəyişməkdən və qaytarmaqdan yayındılar. Mühim qüsuru olan cihazın xırda, görülməyəcək bir cızığa görə , sonra biz bunu sata bilməyəcəyik deyib geri alınmaması nə kommersiya əxlaqına nə də hüquqa sığacaq bir şey deyil. Onu da qeyd edim ki, hazırda əlimdə servisin cihaz haqqında texniki rəyi, mağaza tərəfindən verilən Asusun servis talonu, servisin təhvil-təslim aktı və sair var.

Dəstəklə (1)

Şikayətin statusu

checked icon

Yazıldı

2

Görüldü

3

Cavablandı

4

Həll olundu

close icon