Salam Sizin Mingəçevir mağazanızdan Yoshiro

Salam Sizin Mingəçevir mağazanızdan Yoshiro markalı paltaryuyan maşın almışdıq. Qısa müddət sonra barabanında problem yarandı. Ustalar gəlib yoxladılar, düzəltdilər, amma problem yenidən təkrarlanmağa başladı. Daha sonra paltaryuyan Mingəçevir servis mərkəzinə göndərildi, lakin orada problemi həll edə bilmədilər və Bakıya yönləndirdilər. Bundan sonra bizə daha baha qiymətə yeni bir paltaryuyan satıldı, amma onu da hələ quraşdırmayıblar. Çünki o arada Bakıdan xəbər gəldi ki, əvvəlki paltaryuyan təmir olunub və gətirilərək quraşdırılacaq. Lakin təmir olunmuş paltaryuyan hələ də düzgün işləmir. Artıq iki həftədən çoxdur ki, evdə işlək paltaryuyan yoxdur və bu səbəbdən anam çox əziyyət çəkir. Hətta bu əsəbdən səhhətində problem yaranıb. Hazırda nə işləyən paltaryuyan var, nə də alınmış yeni məhsuldan istifadə edə bilirik. Üstəlik, yeni paltaryuyanın pulu da artıq ödənilib. Biz hər hansısa məhsulu qarantiyayla alanda bunun məqsədi odur ki, hər hansısa problem yarananda tez və operativ o həll olunsun, yoxsa ta bu zülm olmasın. Xahiş edirəm, bu uzun və bürokratik prosesi yekunlaşdırıb, xarab olan paltaryuyanın ödənişini geri qaytarmaq şərtilə yeni paltaryuyanı tez bir zamanda və qrafikə uyğun şəkildə quraşdırasınız. P.S. İndiyə qədər mağazanızdan dəfələrlə alış-veriş etmişik və heç bir narazılığımız olmayıb. Personalınız da həmişə səmimi və yardımçı olub. Bu ilk problemdir, lakin artıq bütün tərəflərin səbir kasası dolmaq üzrədir.

Faydalı (0)