1 Апр 2026, 17:11
Bildirirəm ki, 26.01.2026 tarixində saat
Bildirirəm ki, 26.01.2026 tarixində saat 19:58-də Yeni Günəşli filialında yerləşən “Ballı Market”də hesabımda olan 168.30 AZN bonus vəsaiti naməlum şəxs tərəfindən istifadə olunaraq mənimsənilmişdir. Hadisəni 01.02.2026 tarixində aşkar edib dərhal Birbonus Müştəri Xidmətlərinə müraciət etdim (Sorğu №: 6491009). Lakin mənə verilən cavab belə oldu: “Market adətən cavab vermir, heç nə edə bilmərik.” Bu yanaşma qəbuledilməzdir, çünki bonus sistemi Birbonus tərəfindən təqdim olunur və təhlükəsizliyinə görə məsuliyyət daşıyır. Qeyd edirəm ki: Kart fiziki olaraq məndə olub, Virtual giriş yalnız şəxsi telefonumdadır, Fiziki kartdan belə istifadə etmirdim. Bank olaraq öz tətbiqinizin daxilindəki məhsula görə "bizlik deyil" deməyiniz istehlakçı hüquqlarının pozulmasıdır. Mən "Ballı Market"in müştərisi olmamışdan əvvəl, sizin ("Birbank"ın) istifadəçisiyəm və bu boşluq sizin sisteminizdədir. Xahiş edirəm, məsələyə səthi yanaşmağı dayandırıb, daxili İT və Təhlükəsizlik departamentinizlə birgə araşdırma aparasınız. Bu yaxınlarda 'Bazarstore' marketlər şəbəkəsində alış-veriş edərkən bonus kartımdan istifadə etmək istədim. Orada silinəcək məbləğ cəmi 3 AZN olsa belə, sistem dərhal telefonuma SMS təsdiq kodu (OTP) göndərdi və yalnız mən o kodu kassirə dedikdən sonra məbləğ silindi. Sual yaranır: Necə olur ki, rəqib sistemlərdə 3 AZN üçün təhlükəsizlik kodu tələb olunur, lakin sizin 'Birbonus' sisteminizdə 168.30 AZN kimi böyük məbləğ heç bir təsdiq kodu olmadan, sadəcə nömrə/barkod göstərməklə silinə bilir? Bu fakt açıq şəkildə göstərir ki: Problem marketdə deyil, sizin tətbiq etdiyiniz təhlükəsizlik protokolunun zəifliyindədir. Digər sadiqlik proqramları müştərini qoruyur, siz isə risk altında qoyursunuz.
0 коммент.
Поделитесь на Facebook
Поделитесь в WhatsApp
200 просмотрено