23 sentyabr tarixində Yevlax şəhərində

23 sentyabr tarixində Yevlax şəhərində Soliton2 filial mağazasından qabyuyan maşın almışam. Təəssüf ki, məhsuldan demək olar ki, istifadə etməmişkən qısa müddət ərzində nasazlıq yarandı.Əvvəlcə servisin gəlib quraşdırması çox gecikdi dəfələrlə zəng etməli oldum. Təxminən noyabr ayının ortalarında isə su klapanı sıradan çıxdı və maşına su gəlmədi. Servisə müraciət etdim, mənə ehtiyat hissəsinin sifariş ediləcəyi və bir ay ərzində gələcəyi bildirildi.Təxminən 10 gün sonra usta gəldi, lakin gətirdiyi ehtiyat hissə problemi həll etmədi. Daha sonra qabyuyan maşın 12 dekabr tarixində Bakıya aparıldı. Mənə təmir olunduğu deyilsə də, artıq uzun müddətdir ki, cihaz geri göndərilmir və konkret tarix də deyilmir.Bu gün artıq 23 dekabrdır və qabyuyan maşınım hələ də məndə deyil. Təəssüflə qeyd edirəm ki, mən bu məhsuldan istifadə etdiyim vaxtdan daha çox müddət onun təmirdə qalmasını gözləmişəm. Bu vəziyyət məni ciddi şəkildə məyus edib. Müştəriyə vaxtında və məsuliyyətli xidmət göstərilməməsi Soliton kimi böyük bir şirkətə yaraşmır. Görülən işlərə və xidmət keyfiyyətinə yenidən baxılmasını xahiş edirəm.