20 Апр 2021, 22:37
Şikayət/ təklif/ irad
Azərbaycan Beynəlxalq bankının Tamkartının istifadəçisi kimi yazıram. Müsbət cəhətləri var. Məsələn, taksitlə alış-veriş üçün daha çox aylara bölmə imkanı, faizsiz olaraq həm də. Kartın kampaniya çərçivəsində 5 illik pulsuz verilməsi, POS terminaldan keçən hər ödəniş üçün 2 faiz cashback verməsi. Bunlar çox yaxşı. Amma çox böyük bir minusu var kartın. Və sadaladığım üstünlüklərin üzərindən yağlı və böyük xətt çəkməsə də, kiçik bir xətt çəkir. Minus ondan ibarətdir ki, kartla 20 manatdan artıq ödəniş etdikdə həmin məbləğin üzərinə müəyyən bir faiz gəlir və 12 aymı, ya 18 aymı taksitə bölür. Və bunları müştərinin iradəsinə rəğmən edir. Şikayət etdikdə isə kartın şərtləri belədir deyib keçirlər. Sanki şərti dəyişmək çox çətindir. Bu baxımdan Kapital bankın birkartı çox rahatdır. İstəsən, taksitə böldürürsən, istəməsən yox. Daha mən belə istəyirəm deyib keçmirlər. Bir neçə dəfə e-mail ilə, səsli yazı ilə, müştəri xidmətinə birbaşa şikayət etsəm də, heç biri cavablandırılmayıb. Əvəzində isə hər dəfə 20 manatdan artıq ödəniş etməli olduqda kassirlərdən pulu bir neçə dəfəyə çıxmaqlarını xahiş edirəm.
0 коммент.
Поделитесь на Facebook
1384 просмотрено